Sherbimet

Dokumentet ne import dhe ne eksport ne perputhje me nenin 150 te Kodit doganore te RSH,

Per importin e mallrave,

• Deklarata doganore,
• Fatura,
• Dokumenti i transportit,
• Lista e paketimit,
• Si dhe cdo dokument tjeter i nevojshem nese kerkohet zbatimi i nje rregjimi tarifor preferencial ose cdo mase tjeter per te cilen nuk zbatohen rregullat normative te zbatueshme per mallrat e deklaruara si dhe dokumente te nevojshme per zbatimin e dispozitave qe rregullojne vendosjen ne qarkullim te lire te mallrave te deklaruara.

Per eksportimin e mallrave,

• Deklarate doganore,
• Fature,
• Dokument transporti
• Si dhe cdo dokument i nevojshem per zbatimin e masave te politikes tregtare dhe ligjeve te tjera qe rregullojne eksportimin e mallrave.

Deklarimi i mallrave në Doganë

Deklarimi në doganë është paraqitja e mallrave që hyjnë ose dalin nga territori i Republikës së Shqipërisë pranë autoriteteve doganore për të kryer procedurat sipas njërës nga mënyrat e deklarimit.

Përfaqësimi në dogane:

Çdo person fizik apo juridik ka të drejtë të deklarojë mallrat në doganë nëpërmjet një përfaqësuesi.
1. Përfaqësimi mund të jetë:
a) Përfaqësim i drejtpërdrejtë: kur përfaqësuesi deklaron në emër dhe për llogari të të përfaqësuarit.
b) Përfaqësim i tërthortë: kur përfaqësuesi deklaron në emër të tij dhe për llogari të të përfaqësuarit.
2. Një përfaqësues doganor duhet të jetë i vendosur në territorin doganor të Republikës së Shqipërisë.
3. Me vendim të Këshillit të Ministrave përcaktohen kushtet nën të cilat një përfaqësues doganor mund të ofrojë shërbime në Republikën e Shqipërisë.

Baza ligjore:

Ligji 102/2014, datë 31.07.2014 “Kodi Doganor në Republikën e Shqipërisë”, nenet 24 deri 26, VKM nr. 651, datë 10.11.2017 “Dispozitat Zbatuese të Kodit Doganor”, nenet 78 deri 88.

Regjimi i transitit lejon lëvizjen nga një pikë në tjetrën, brenda territorit doganor të Republikës së Shqipërisë të:

1. a)mallrave jo shqiptare, pa ia nënshtruar këto mallra detyrimeve të importit dhe detyrimeve të tjera ose masave të politikës tregtare.
   b)mallrave shqiptare, të cilat u nënshtrohen masave për eksportimin e tyre drejt vendeve të tjera dhe për të cilat janë kryer formalitetet përkatëse doganore për eksport

Baza ligjore:

Ligji 102/2014, datë 31.07.2014 “Kodi Doganor në Republikën e Shqipërisë”, nenet 203 deri 209, VKM nr. 651, datë 10.11.2017 “Dispozitat Zbatuese të Kodit Doganor”, nenet 566 deri 630.

Regjimi i magazinimit doganor lejon ruajtjen në një magazinë doganore: të mallrave jo shqiptare, pa iu nënshtruar detyrimeve të importit ose masave të politikës tregtare; dhe të mallrave shqiptare, kur dispozitat në fuqi që rregullojnë fusha të veçanta, parashikojnë që vendosja e tyre në magazinat doganore kërkon zbatimin e masave që normalisht lidhen me eksportin e këtyre mallrave.

Përdorimi i këtij regjimi mundësohet nëpërmjet lëshimit të autorizimit përkatës nga autoriteti doganor kur plotësohen kushtet e mëposhtme:

1. a)për personat që ofrojnë të gjitha garancitë e nevojshme për kryerjen si duhet te operacioneve;
   b)kur autoritetet doganore mund të mbikëqyrin e kontrollojnë regjimin.

BAZA LIGJORE

Ligji 102/2014, datë 31.07.2014 “Kodi Doganor në Republikën e Shqipërisë”, nenet 191 deri 199, 210 deri 215, VKM nr. 651, datë 10.11.2017 “Dispozitat Zbatuese të Kodit Doganor”, nenet 631 deri 648.

Çfarë është regjimi i përpunimit aktiv, kuptimi doganor dhe përcaktime të tjera?

Regjimi i përpunimit është një regjim doganori i cili lejon mallrat joshqiptare dhe shqiptare të përdoren në territorin doganor shqiptar, në një ose më shumë operacione përpunimi, të destinuara për t’u rieksportuar nga ky territor doganor në formën e produkteve kompensuese, pa iu nënshtruar,

1. a)detyrimit të importit;
   b)pagesave të tjera, sipas parashikimeve në dispozitat përkatëse në fuqi;
   c) masave të politikës tregtare, për aq sa ato nuk ndalojnë hyrjen ose daljen e mallrave në ose nga territori doganor i Republikës së Shqipërisë..Regjimi i Përpunimit Aktiv ka në thelb eksportimin e punës, teknologjisë dhe faktorëve të tjerë ekonomike që në mënyrë direkte bëjnë transformim të thjeshtë apo përfundimtar në mallra të gatshëm, për t’u përdorur si produkte në operacione të tjera përpunimi, montimi, apo për konsum. Gjithashtu, ky regjim jepet dhe për mallrat e destinuara për t’iu nënshtruar operacioneve që garantojnë përputhjen e tyre me kërkesat teknike për çlirimin e tyre për qarkullim të lirë;

Përdorimi i këtij regjimi doganor ekonomik kushtëzohet nga lëshimi i autorizimit nga autoritetet doganore kompetente.

Dhënia e autorizimit, përcaktohet nga kushtet specifike që e rregullojnë këtë regjim,

Baza ligjore:

Ligji 102/2014, datë 31.07.2014 “Kodi Doganor në Republikën e Shqipërisë”, nenet 191 deri 202, 228 deri 231.

Regjimi i lejimit të përkohshëm bën të mundur përdorimin në territorin doganor shqiptar, me përjashtim të plotë ose të pjesshëm nga detyrimet e importit dhe pa iu nënshtruar masave të politikave tregtare, të mallrave jo shqiptare të destinuara për t’u rieksportuar, pa pësuar ndryshime, përveç zhvleftësimit normal për shkak të përdorimit të tyre.

Autorizimi për lejimin e përkohshëm lëshohet në bazë të kërkesës së personit që i përdor mallrat ose që bën të mundur përdorimin e tyre, pa rënë ndesh me kushtëzimet e mëposhtme:

1. a)vetëm për personat që ofrojnë të gjitha garancitë e nevojshme për kryerjen si duhet të operacioneve;
   b) vetëm në rastet kur autoritetet doganore mund të mbikqyrin e kontrollojnë regjimin.

Baza ligjore:

Ligji 102/2014, datë 31.07.2014 “Kodi Doganor në Republikën e Shqipërisë”, nenet 191 deri 202, 223 deri 226, VKM nr. 651, datë 10.11.2017 “Dispozitat Zbatuese të Kodit Doganor”, nenet 533 deri 534, 649 deri 685.